Edrychiad: Ceir lliw dwfn, hudol cochlas yn llifo i’r gwydr, gan addo’r blasau beiddgar o Saperavi gwerthfawr Georgia.

Arogl: Mae’r gwin hwn yn daith synhwyraidd drwy berllan yn Georgia yn hwyr yn nhymor yr hydref. Yr aroglau cyntaf yw aroglau ffrwythau tywyll, aeddfed - mwyar duon, ceirios, ac eirin dansus (damson) - wedi’u hamgylchynu gan sbeis hudolus cassis a mymryn o fwg. Wrth iddo agor, mae nodau  daearol a mymryn o ledr a thybaco yn ychwanegu cymhlethdod fel noson glyd wrth y tân.

Blas: Mae’r diferyn cyntaf yn brofiad unigryw! Mae blasau ffrwythau eirin ac eirin dansus n yn dominyddu, gydag asidedd bywiog sy’n cadw’r gwin yn ffres a bywiog. Mae’r tanninau yn gadarn ond yn gyfeillgar, yn berffaith ar gyfer paru â phrydau cadarn a chigoedd wedi'i rhostio. Mae tapestri o flasau yn datblygu gyda pob diferyn: ceirios a mwyar duon yn cwrdd â ffrwythau duon, tra bod y manylion o licrys, siocled, a choffi yn ymddangos yn swynol yn y cefndir. Mae'n win pwerus, ond cain, fyddai'n ddelfrydol gyda barbeciw, cigoedd rhost neu brydiau llysieuol sy'n cynnwys madarch ac sy'n llawn blas. 

Gorffeniad: Mae’r gorffeniad yn hir ac yn foddhaol, gyda’r nodau o'r mefus mwyaf cyfoethog a llyfn yn aros yn hyfryd, wedi’u cwblhau ganelfennau mwynol sy’n adlewyrchu’r pridd calchfaen o Kakheti yn Georgia.

Paru

Cig ar y Barbeciw: Mae cymeriad beiddgar, ffrwythlon Saperavi yn cyd-fynd yn wych â’r cig wedi’i goginio dros tân, gan greu profiad a chyfuniad perffaith rhwng y bwyd a'r gwin. 

Prydau Madarch: Mae blasau daearol madarch yn cael eu dyrchafu gan sylfeini daearol y gwin ei hun, gan greu cyfuniad perffaith.

Cawsiau: Mae cawsiau cyfoethog yn cyfuno’n wych gyda tanninau strwythuredig Saperavi, gan wella’r gwin a’r caws.

Casgliadau

Mae’r Saperavi yma yn win hynod drawiadol ac yn ddewis amgen i win megis Malbec neu Cabernet Sauvignon. Mae ei bris yn hynod gystadleuol am ddim ond £10 y botel yn wych, ac yn gyfle i arbrofi gyda gwinoedd gwahanol. Mae'n cynnig proffil llawn blasau mwyar duon llyfn sy’n sicr o godi unrhyw pryd bwyd neu ddiodydd gyda ffrindiau sy'n hoff o win llawn cymeriad a chadernid. 

Mae Georgia, gyda’i hanes hi o gynhyrchu gwinoedd sy’n dyddio’n ôl i 6,000 CC, wedi rhoi i ni win sydd yn hynafol yn ei arddull ac yn hollol fodern yn ei apêl. 

I mi, dyma un o'r bargeinion gorau yn M&S ar hyn o bryd, gan gynnig profiad gwych a gwin sy'n hynod foethus ac yn ddewis amgen i'r gwinoedd traddodiadol sydd fel arfer yn cael eu prynu mewn archfarchnadoedd.